Yuxarı

​Bu gün Tallində AŞPA-nın daimi komissiyasının iclası keçiriləcək

İclası AŞPA prezidenti və Estoniya parlamentinin spikeri açacaq

Bakı. 27 may. REPORT.AZ/ Avropa Şurası Parlament Assambleyasının (AŞPA) daimi komissiyasının iclası cümə günü Estoniyanın paytaxtı Tallində keçiriləcək.

"Report" RİA "Novosti"yə istinadən xəbər verir ki, bu barədə Estoniya parlamentinin mətbuat xidməti məlumat yayıb.

İclası AŞPA prezidenti Pedro Aqramunt və Estoniya parlamentinin spikeri Eyki Nestor açacaq. Tədbir Estoniyanın mayın 18-dən Avropa Şurası Nazirlər Komitəsində sədrliyə başlaması ilə əlaqədar yerli parlamentin binasında keçiriləcək. Estoniya AŞ-nın Nazirlər Komitəsinə noyabrın 22-dək başçılıq edəcək. Ondan sonra təşkilatın idarəçiliyini Kiprə verəcək.

İclasın əsas müzakirə mövzusu sədrlik dövründə Estoniyanın prioritetləri və AŞPA və Nazirlər Komitəsi arasında siyasi dialoq çərçivəsində gündəlikdə duran məsələlər olacaq.

Həmçinin bu il martın 20-də Qazaxıstanda, aprelin 24-də Serbiyada keçirilən parlament seçkilərinin müşahidəsi, o cümlədən dinc aksiyaların keçirilməsi zamanı insan haqlarının pozulması hallarının qarşısının alınması üçün tədbirlərin görülməsinin zəruriliyi, mədəniyyət sahəsində şəhərlər arasında beynəlxalq əməkdaşlığa dəstək müzakirə olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi