Bakı. 26 fevral. REPORT.AZ/ Brüsseldə “Ancienne Belgique” konsert zalı təxliyə edilib.
“Report” xəbər verir ki, bu barədə Belçikanın “Standaard” nəşri məlumat yayıb.
Qeyd olunur ki, buna səbəb partlayış təhlükəsi olub. Hadisə yerinə polis əməkdaşları cəlb edilib. Ərazi mühasirəyə alınıb.
Partlayış təhlükəsi ehtimalı barədə məlumat fransalı müğənni Jainin konserti öncəsi daxil olub. Zaldan yüzlərlə insan çıxarılıb.