Yuxarı

Brüsseldə ABŞ-la azad ticarət sazişinə etiraz edən 100-dən çox nümayişçi saxlanılıb

Mütəxəssislər hesab edirlər ki, yeni saziş ərzaq sektoru və ətraf mühitin qorunması baxımından təhlükədir

Bakı. 16 oktyabr. REPORT.AZ/ Ötən gün Brusseldə toplaşan yüzlərlə insan ABŞ-la Avropa İttifaqı (Aİ) arasında imzalanacaq Transatlantik Ticarət və İnvestisiya Əməkdaşlığı Sazişinə etiraz edib.

"Report"un RİA "Novosti" agentliyinə istinadən verdiyi xəbərə görə, şəhər mərkəzində toplaşaraq Aİ liderlərinin görüşünə mane olmağa çalışan 600-ə yaxın insanla polis arasında qarşıdurma yaranıb. Azı 104 nəfər saxlanılıb.

ABŞ və Avropa İttifaqı arasında imzalanacaq bu ticarət sazişi tarifləri aşağı salacaq, Aİ ölkələri ilə ABŞ arasında biznesi tənzimləyən sədləri aradan qaldıracaq və beləliklə, iki iqtisadi müstəvidə şirkətlərə olan tələbləri nisbətən universallaşdıracaq.

Laki bir çox avropalı mütəxəssis hesab edir ki, sözü gedən saziş ölkələrin səhiyyə sistemi, ərzaq sektoru və ətraf mühitin qorunması üçün təhlükə yaradacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi