Britaniyanın müdafiə naziri Şoyqunu Londona dəvət edib

Böyük Britaniyanın müdafiə naziri Ben Uolles rusiyalı həmkarı Sergey Şoyqunu yaxın bir neçə həftə ərzində Londona səfərə dəvət etdiyini bildirib.

Bu barədə “Report” RİA “Novosti”yə istinadən xəbər verir.

Parlamentdə çıxış edən müdafiə naziri bildirib ki, rusiyalı həmkarı ilə ümumi təhlükəsizlik problemləri ilə bağlı məsələləri müzakirə etməyə hazırdır.

Onun sözlərinə görə, Rusiya-NATO Şurası göstərdi ki alyans Avro-Atlantik təhlükəsizliyin maraqları naminə geniş spektrli məsələlər üzrə Rusiya ilə dialoqa hazırdır.