Britaniyada Skripalın zəhərlənməsində şübhəli bilinən şəxsin fotorobotu hazırlanıb

Bakı. 23 iyul. REPORT.AZ/ Britaniya polisi Rusiyanın Baş Kəşfiyyat İdarəsinin keçmiş zabiti Sergey Skripal və onun qızı Yuliyanın zəhərlənməsində şübhəli bilinən şəxsin fotorobotunu hazırlayıb.

"Report"un məlumatına görə, bu barədə RİA "Novosti" "Daily Mail"ə istinadən xəbər verib.

Nəşrin məlumatına görə, təsvir müşahidə kameralarının Solsberidə çəkdiyi görüntülərdən alınıb. Məqalədə qeyd edilir ki, polis bu şəxsin tanınması texnologiyasından istifadə edib.

Qeyd edək ki, hadisə beynəlxalq miqyaslı qalmaqala səbəb olub.