Britaniyada yaşayış evində partlayış olub, xəsarət alanlar var

Bakı. 24 fevral. REPORT.AZ/ Britaniyada yaşayış evində partlayış olub.

"Report" TASS-a istinadən xəbər verir ki, bu barədə "The Independent" qəzeti məlumat yayıb.

Məlumata görə, hadisə Bristol şəhərində qeydə alınıb. Partlayış nəticəsində 3 nəfər xəsarət alıb.

Ərazidə yanğınsöndürmə xidmətinin əməkdaşları işləyir. Yaralıların vəziyyəti barədə məlumat verilmir.

Hadisənin təfərrüatı açıqlanmır. 

Daha əvvəl Britaniyada məhkəmə binası qarşısında maşın partlayıb.