Britaniyada Nu ştamına növbəti yoluxma qeydə alınıb

Böyük Britaniyada daha bir nəfərin COVID-19 infeksiyasının Nu ştamına (Omicron) yoluxması aşkar edilib. Bununla da, ölkədə üçüncü yoluxma faktı qeydə alınıb.

“Report” xəbər verir ki, bu barədə ölkənin Səhiyyə agentliyi məlumat yayıb.

Qeyd edilib ki, analiz nümunələri müsbət çıxan şəxs Cənubi Afrikada səfərdə olub. Eyni zamanda, yoluxan şəxsin artıq Böyük Britaniyada olmadığı da vurğulanır.

Agentliyin icraçı direktoru Cenni Harris yaxın günlərdə yeni yoluxma hallarının aşkar ediləcəyi ehtimalının çox yüksək olduğunu vurğulayıb.