Yuxarı

​Britaniyada hərbçi qadınların döyüş xəttində xidmət etməsinə icazə verilib

ABŞ, Kanada,İsrail və Avstraliya ordusundan zərif cinsin nümayəndələri döyüş tapşırıqlarını yerinə yetirməkdə kişilərlə bərabərhüquqludur

Bakı. 8 iyul. REPORT.AZ/ Britaniyalı xanım hərbçilər döyüşən hərbi hissələrdə, o cümlədən Əfqanıstanda da xidmət edəcəklər.

"Report" BBC-yə istinadən xəbər verir ki, bunu Britaniyanın baş naziri Devid Kemeron NATO-nun Varşavada keçirilən sammitində elan edib.

O, bunu krallıq ordusunun Baş Qərargah rəisi Nikolas Karterin zəmanəti əsasında bəyan etdiyini söyləyib.

Məlumata görə, indiyə kimi Britaniya ordusunun qadın hərbçiləri döyüş bölgələrində müəyyən edilmiş sayda iştirak edə bilərdi.

Məsələn qadınlar təyyarəçi, dənizçi və ya sapyor ola bilsə də, düşəmənlə yaxın döyüşdə piyada, yaxud tankçı kimi xidmət edə bilməzdi.

Qeyd edək ki, ABŞ, Kanada,İsrail və Avstraliya ordusunda zərif cinsin nümayəndələri döyüş tapşırıqlarını yerinə yetirməkdə kişilərlə bərabərhüquqludur. Bundan sonra siyahıya britaniyalı qadın hərbçilər də daxil olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi