Britaniyada anomal istilər səbəbindən hərbi poliqonda yanğın baş verib

Böyük Britaniyada anomal istilər şəraitində hərbi poliqonda yanğın baş verib.

"Report" TASS-a istinadən xəbər verir ki, bu barədə ITV kanalı məlumat yayıb.

Yanğın Britaniya Ordusunun bölmələrinin döyüş yerləşdirməsi üçün keçirilən təlim zamanı qeydə alınıb.

Böyük Britaniyanın cənubunda temperatur 30° Selsiyə çatıb, bazar ertəsi 33°-yə, çərşənbə axşamı isə termometr 36°-yə yüksəlib.