Britaniya XİN rəhbəri: "Ukrayna ətrafında vəziyyət gələn həftə daha da pisləşə bilər"

"Qərb ölkələri gələn həftə Ukrayna ətrafında vəziyyətin kəskin pisləşməsinə hazır olmalıdır".

"Report" TASS-a istinadən xəbər verir ki, bunu Böyük Britaniyanın xarici işlər naziri Liz Trass Münhen Təhlükəsizlik Konfransında çıxışı zamanı deyib.

"XX əsrin əvvəllərindən bugünədək Avropanın təhlükəsizliyi üçün ən təhlükəli anlardan birini yaşayırıq. Biz görünməmiş birlik nümayiş etdirməliyik. Hesab edirəm ki, gələn həftə reallaşa biləcək ən pis ssenari üçün hazırlaşmaq lazımdır", - Trass bildirib.