Bakı. 9 İyun. REPORT.AZ/ Kensington sarayı twitter-də şahzadə Şarlotta və şahzadə Corcun fotolarını yayıb.
"Report"un BBC-yə istinadən verdiyi xəbərə görə, fotolar uşaqların anası, Kembric hersoginyası Ketrin tərəfindən çəkilib.
Şəkillərdə Kembric hersoqu və hersoginyasının böyük oğlu Corc mayın 2-də dünyaya gəlmiş bacısı Şarlotta ilə birlikdə təsvir edilib.
Fotolar şahzadə Uilyams ailəsinin Londondan köçdüyü Norfolkdakı malikanəsində çəkilib.
Növbəti dəfə şahzadə Uilyams və Ketrinin uşaqlarını iyulun 5-də Şarlottanın xaç suyuna çəkilməsi mərasimində görmək olacaq.