Britaniya, ABŞ, Kanada və Yaponiya Rusiyadan qızıl idxalına qadağa qoyub

Böyük Britaniya, ABŞ, Kanada və Yaponiya Rusiyadan qızıl idxalına qadağa qoyub.

“Report” xəbər verir ki, bu barədə Baş nazirin Dauninq-strit 10 ünvanında yerləşən ofisinin yaydığı bəyanatda deyilir.

Qeyd olunub ki, sanksiyalar artıq əldə edilmiş Rusiya qızılına şamil edilmir.

Təkcə Böyük Britaniyanın sanksiyaları 16,5 milyard ABŞ dolları dəyərində Rusiya qızılının idxalına qadağanı nəzərdə tutur.