Britaniyada polis “Brexit”lə bağlı ehtimal olunan gərginliyə qarşı tədbirlər görür

Böyük Britaniyada ölkənin Avropa İttifaqını tərk etməsi ilə bağlı müzakirələrin gərginliyə və ya iğtişaşlara gətirib çıxaracağı təqdirdə polis tərəfindən 10 min əməkdaşın qısa zamanda səfərbər olmasını nəzərdə tutan plan hazırlanıb.

“Report” “Sky News”a istinadən xəbər verir ki, polisdən verilən məlumata görə, həmin əməkdaşlar 24 saat ərzində ölkənin hər yerində əhəmiyyətli iğtişaş baş verdiyi təqdirdə qısa zamanda uzunmüddətli olmamaq şərti ilə müvafiq tədbir görməyə hazır olmalıdır.

Son bir həftə ərzində ölkədə “Brexit”lə bağlı müzakirələrlə bağlı əhəmiyyətsiz hüquq pozuntularının sayının 11-dən 26-dək yüksəldiyi bildirilir.