Braziliyada təyyarə qəzaya uğrayıb, ölənlər var

Bakı. 8 fevral. REPORT.AZ/ Braziliyada kiçik təyyarə qəzaya uğrayıb.

"Report" xəbər verir ki, bu barədə TASS məlumat yayıb.

Xəbərdə bildirilir ki, hadisə ölkənin şimalında, Para ştatında baş verib. Yerli mətbuatın məlumatına görə, qəza zamanı təyyarədə 3 nəfər olub. Onların hamısı hadisə zamanı ölüb.

Braziliyanın hakimiyyət orqanlar hadisənin başvermə səbəbləri ilə bağlı təhqiqata başlayıb.