Yuxarı

Braziliyada rüşvətlə bağlı veriliş aparan jurnalist canlı yayımda öldürülüb

Qətlə yetirilən jurnalist siyasətçilərin rüşvət qalmaqalı ilə bağlı çoxlu sayda araşdırmaların müəllifidi

Bakı. 7 avqust. REPORT.AZ/ Braziliyada rüşvət və korrupsiya əleyhinə veriliş aparan jurnalist canlı yayımda öldürülüb. "Report" bu barədə xarici mətbuata istinadən xəbər verir.

Məlumata görə, Braziliyanın şimal-şərq bölgəsində yerli radioda bəzi siyasətçilərin rüşvət qalmaqallarını canlı yayımda açıqlayan Qleydson Carvalho adlı jurnalisti proqram zamanı studiyaya girən iki nəfər güllələyib. Jurnalist hadisə yerində ölüb. Cinayəti törədənlər isə hadisə yerindən qaçıblar.

Qeyd edək ki, öldürülən jurnalist siyasətçilərin rüşvət qalmaqalı ilə bağlı çoxlu sayda araşdırmaların müəllifidir. Dəfələrlə sosial şəbəkələrdə jurnalist ölümlə təhdid edilib. Artıq cinayətkarların tapılması üçün insanlar polisə müraciət ediblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi