Yuxarı
    Bağlamaq

    Braziliyada naməlum şəxslər avtomobillə prezidentinin iqamətgahına daxil olmağa çalışıblar

    Hazırda bina hərbi polis tərəfindən əhatəyə alınıb© Vladtime.ru

    Bakı. 29 iyun. REPORT.AZ/ Naməlum şəxslər avtomobillə Braziliya prezidentinin respublika paytaxtında yerləşən rəsmi iqamətgahına – Alvorada Sarayına daxil olmağa çalışıblar.

    "Report" "TASS"a istinadən xəbər verir ki, bu barədə "Globo" telekanalı məlumat yayıb.

    Xəbərdə qeyd edilir ki, şahidlər atəş səsləri eşidiblər. Hazırda bina hərbi polis tərəfindən əhatəyə alınıb.

    Hadisənin digər təfərrüatları barədə məlumat verilmir. Lakin dövlət başçısı hücum zamanı binada olmayıb. Hələ martın 2-dən prezidentin Alvorada Sarayında yaşamaqdan imtina etdiyi məlum olub.

    Onda "Globo" xəbər verib ki, Braziliya prezidenti hesab edir ki, malikanə çox böyükdür və ev təsiri bağışlamır. Sonralar siyasətçi "Veja"ya müsahibəsində iqamətgahdan imtinasının səbəbini açıqlayıb və zarafatla ehtimal edib ki, orada "kabus məskən sala bilər".  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi