Braziliyada koronavirusa yoluxanların sayı 2,6 milyonu ötdü

Braziliyada COVID-19-a yoluxanların sayı 2 610 102 nəfərə çatıb.

“Report” TASS-a istinadən xəbər verir ki, bu barədə ölkənin Səhiyyə Nazirliyi məlumat yayıb.

Qeyd edilir ki, son sutkada ölkədə koronavirusa 57 837 yeni yoluxma aşkarlanıb. İndiyədək koronavirusdan ümumilikdə 91 263 nəfər ölüb.

Braziliya dünyada koronavirusa yoluxma hallarının sayına görə yalnız ABŞ-dan geri qalır.