Braziliyada bəndin dağılması nəticəsində ölənlərin sayı 142-yə çatıb

Bakı. 6 fevral. REPORT.AZ/ Braziliyanın Minas-Jerays ştatında bəndin dağılması nəticəsində ölənlərin sayı 142 nəfərə çatıb.

“Report” RİA "Novosti"yə istinadən xəbər verir ki, bu barədə yerli hakimiyyət orqanlarına istinadən "G1" portalı yazıb.

Bildirilir ki, ölənlərdən 122 nəfərin şəxsiyyəti müəyyənləşdirilib. Hələ ki, 194 nəfər itkin düşmüş hesab olunur.

Daha əvvəl Braziliyada ölənlərin sayının 134 nəfər olduğu məlum idi.