Yuxarı
    Bağlamaq

    Brüsseldə Rusiya, Ukrayna və Aİ arasında qaz tədarükü üzrə danışıqlar aparılıb

    Tərəflər yekun razılığa gələ bilməyiblər

    Bakı. 30 oktyabr. REPORT.AZ/ Brüsseldə Ukrayna-Rusiya-Avropa İttifaqı arasında üçtərəfli formatda danışıqlar aparılıb.

    "Report" Rusiya KİV-inə əsasən, xəbər verir ki, tərəflər qazın tədarükü ilə bağlı yekun qərar əldə etməyiblər.

    RF-nin energetika naziri Aleksandr Novak qeyd edib ki, Rusiya əvvəlcədən ödəmə şərtilə Ukrayna ilə qaz planı imzalamağa hazırdır. 

    Öz növbəsində "Qazprom"un rəhbəri Aleksey Miller bildirib ki, Rusiya, Ukrayna və Avropa İttifaqı arasında üçtərəfli protokolun bütün prinsipial müddəaları tərəflərin hər üçü tərəfindən razılaşdırılıb. Onun sözlərinə görə, Ukrayna və Avropa Komissiyası arasında Rusiya qazının ödənilməsinin maliyyə zəmanətlərinə dair protokol razılaşdırılmayıb. Həmin protokol olmadan digər sənədlər imzalanmayacaq. 

    Danışıqlar bu gün davam edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi