Böyük Britaniyanın Esseks kəndinin sakinləri fırtınaya görə təxliyə ediləcək

Bakı. 12 yanvar. REPORT.AZ/ Böyük Britaniyanın sahilboyu Esseks kəndinin sakinləri güclü fırtına səbəbindən təxliyə ediləcəklər.

"Report" xəbər verir ki, bu barədə "The Guardian" xəbər verib.

Məlumatda bildirilir ki, polis əməkdaşları cümə günü – yanvarın 13-də başlayacaq təxliyə planı haqqında sakinləri xəbərdar edib.

"Bu qərarın icrası bizim üçün çətindir. Amma o, bütün sakinlərin xeyrinə, onların təhlükəsizliyini təmin etmək üçün qəbul edilib" – deyə yerli polisin inspektoru Rus Koul bildirib.

Təxliyə haqqında qərar Ətraf Mühit Agentliyinin xəbərlərindən sonra qəbul edilib. Xəbərlərdə qeyd edilir ki, ölkənin şərq sahillərini su basma təhlükəsi gözləyir.

Ökə ərazisində müşahidə olunan pis hava bir sıra aviareyslərin ləğvinə gətirib çıxarıb.