Yuxarı

Böyük ​Britaniyanın baş naziri gözlənilmədən Livana səfər edib

Devid Kemeron Beyrutda Livanın baş naziri Tammam Salamla danışıqlar aparmağı planlaşdırır

Bakı. 14 sentyabr. REPORT.AZ/ Böyük Britaniyanın baş naziri Devid Kemeron gözlənilmədən Livanın paytaxtı Beyruta səfər edib.

"Report" xəbər verir ki, bu haqda İsrail KİV-i məlumat yayıb.

Məlumata görə, baş nazirin Livana səfər edəcəyi təhlükəsizlik baxımından əvvəldən elan olunmayıb. D.Kemeron Beyrutda Livanın baş naziri Tammam Salamla danışıqlar aparmağı planlaşdırır.

Xatırladaq ki, Böyük Britaniyanın baş naziri bir müddət öncə Türkiyə, İordaniya və Livandakı suriyalı qaçqınlara yardım edəcəklərini bildirmişdi.

Ötən həftə Devid Kemeron Londonda İsrailin baş naziri Binyamin Netanyahu ilə görüşüb. İki ölkənin baş naziri Yaxın Şərqdəki vəziyyəti müzakirə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi