Böyük Britaniya parlamentinin fəaliyyəti müvəqqəti dayandırılıb

Böyük Britaniya parlamentinin fəaliyyəti oktyabrın 14-dək dayandırılıb.

“Report” “Reuters”ə istinadən xəbər verir ki, bu barədə Baş nazir Boris Conson açıqlama verib.

BBC xəbər verir ki, belə bir addım ölkənin Avropa İttifaqı üzvlüyündən müvafiq saziş imzalamadan çıxmasını İcmalar Palatası üzvlərinin əngəlləməsinə yol verməmək üçün atılıb. Beləliklə, “sərt Brexit”in təyin olunduğu oktyabrın 31-dək qalan vaxt ərzində buna mane olmaq müşkül olacaq.