Yuxarı
    Bağlamaq

    Bolqarıstanda keçiriləcək növbədənkənar parlament seçkiləri mart ayına təyin olunub

    Prezident Rumen Radev bu barədə sərəncam imzalayıb

    Sofiya. 25 yanvar. REPORT.AZ/ Bolqarıstan prezidenti Rumen Radev prezident səlahiyyətlərinin icrasına başladığı 2-ci gündə 43-cü çağırış Xalq Məclisinin (Parlament) yanvarın 27-də buraxılması barədə sərəncam imzalayıb.

    “Report”un Şərqi Avropa bürosu Bolqarıstan prezidentinin mətbuat xidmətinə istinadən xəbər verir ki, dövlət başçısının digər sərəncamı ilə ölkədə növbədənkənar parlament seçkilərinin keçirilməsi martın 26-sı tarixinə təyin olunub.

    Bolqarıstan prezidenti R. Radev həmçinin ölkənin yeni baş nazirini də təyin edib. Texniki hökumətin başına tanınmış bolqar hüquqşünas və siyasətçi Oqnyan Stefanov Qercikov keçib.

    O.Qerdcikov 2001-2005-ci illərdə Bolqarıstanın 39-cu Xalq Məclisinə sədrlik edib. Lakin 4 fevral 2005-ci ildə vaxtından əvvəl tutduğu vəzifədən kənarlaşdırılıb.

    Bolqarıstan Konstitusiyasına əsasən yeni texniki hökumətin parlament seçkilərinə hazırlıq və təşkili ilə bağlı 60 gündən də az vaxtı qalır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi