Boliviyada keçirilən karnavalın birinci günündə ölənlərin sayı 21-ə çatıb

Bakı. 12 fevral. REPORT.AZ/ Boliviyanın Oruro şəhərində keçirilən karnavalın birinci günündə ölənlərin sayı 21 nəfərə çatıb, 70 nəfərdən çox insan yaralanıb.

"Report" RİA "Novosti"yə istinadən xəbər verir ki, bu barədə ölkənin polis komandanı Faustino Mendosa xəbər verib.

“Bu gün bizim üçün çox ağır olub. Əfsuslar olsun ki, bir neçə insident baş verib və nəticədə 21 nəfər ölü və 72 yaralımız var”,- o bildirib.