Yuxarı
    Bağlamaq

    BMT: Yəməndə tezliklə atəşkəs elan olunacaq

    Üsyançı husilər barışığa razılıq veriblər

    Bakı. 7 oktyabr. REPORT.AZ/ Yəməndə üsyançı husilər barışığa razılıq veriblər və BMT yaxın günlərdə ölkədə atəşkəsin başlandığını elan edəcək.

    "Report" xəbər verir ki, bu barədə BMT-nin xüsusi elçisi İsmayıl Uld Şeyx Əhməd Omanın ONA agentliyinə açıqlamasında bildirib.

    Yəməndə vətəndaş müharibəsi 2014-cü ildən davam edir və sülh danışıqları uğurla nəticələnməyib. Danışıqlar avqust ayında müqavilə imzalanmadan başa çatıb və həmin vaxtdan Yəməndə döyüşlər şiddətlənib.

    Şeyx Əhməd ötən cümə axşamı Omanın paytaxtı Məsqətdə hüsilərin nümayəndə heyəti və onların sabiq prezident Əli Abdullah Salehin partiyasından olan müttəfiqləri ilə görüşüb.

    "Görüşlər uzun və müsbət oldu. Onlar Yəməndə sonradan uzadılma mümkünlüyü ilə 72 saatlıq atəşkəsin elan olunmasına razılaşıblar", — deyə BMT-nin xüsusi elçisi bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi