Bakı. 11 noyabr. REPORT.AZ/ İlin sonuna qədər Suriyada kimyəvi silah istehsalı ilə bağlı heç bir obyekt mövcud olmayacaq. "Report"un "TASS" agentliyinə istinadən verdiyi xəbərə görə, bunu BMT Baş katibinin tərksilah üzrə ali nümayəndəsi Kim Von Su bildirib.
Onun sözlərinə görə, kimyəvi silah istehsalı prosesinə aid olan sonuncu anqar da yaxın vaxtlarda yox ediləcək.
Qeyd edək ki, Suriyanın kimyəvi silah istehsalı sisteminə ümumilikdə 12 obyekt daxil olub. Bunlardan 7-i anqar tipli, beşi isə yeraltı tipli obyekt olub.