BMT Qəzzaya gündəlik daxil olan yük maşınlarının sayını açıqlayıb

Fələstin-İsrail münaqişəsinin bərpasından bəri hər gün humanitar yardım daşıyan 100-ə yaxın yük maşını Qəzzaya daxil olur.

“Report” TASS-a istinadən xəbər verir ki, bunu BMT Baş katibinin rəsmi nümayəndəsi Stefan Düjarrik açıqlayıb.

“Humanitar məsələlərin koordinasiyası idarəsi bildirib ki, ötən axşam humanitar yardım daşıyan 100 yük maşını Misirdən Qəzzaya çatıb. Dekabrın 1-də zorakılığın yenidən başlamasından bəri əksər günlərdə eyni həcm qeydə alınıb”, - o, brifinqdə diqqətə çatdırıb.