BMT-nin Malidəki düşərgəsi atəşə tutulub, 9 sülhməramlı yaralanıb

Bakı. 4 may. REPORT.AZ/ BMT-nin Malidə sabitləşmə üzrə çoxprofilli kompleks missiyasının (MİNUSMA) Timbukt şəhərindəki düşərgəsinin atəşə tutulması nəticəsində azı 9 sülhməramlı yaralanıb.

"Report"un məlumatına görə, bu barədə qurumun rəsmi açıqlamasında bildirilir.

Açıqlamada qeyd olunur ki, düşərgə günortadan sonra minatanlar və ya raket atəşinə məruz qalıb. "İlkin məlumata görə, altı mərmi atılıb", - deyə rəsmi məlumatda bildirilir.

Yaralı sülhməramlılardan 4-nün vəziyyətinin ağır olduğu bildirilir. Onlar Malinin paytaxı Bamakoya təxliyə ediliblər.