BMT İsveçrədə Ukrayna üzrə Sülh Sammitində müşahidəçi qismində iştirak edəcək

BMT İsveçrədə keçiriləcək Ukrayna üzrə Sülh Sammitində müşahidəçi qismində çıxış edəcək.

“Report” xəbər verir ki, bunu BMT Baş katibinin sözçüsü Stefan Düjarrik söyləyib.

“BMT müşahidəçi olacaq, biz [sammitdə] təmsil olunacağıq, dəqiq kim tərəfindən təmsil olunacağımızı isə mümkün olduqda, açıqlayacağam”, – dünya təşkilatının rəsmisi vurğulayıb.

Qeyd edək ki, Ukrayna üzrə Sülh Sammiti iyunun 15-dən 16-dək İsveçrədə keçiriləcək. Ümumilikdə Ukrayna və İsveçrə tədbirə 150-dən çox ölkə dəvət edib, Rusiya isə heç bir dəvət almayıb.

Xatırladaq ki, mayın 25-də Ukrayna Prezidenti Volodimir Zelenski Azərbaycan Prezidenti İlham Əliyevə ünvanladığı məktubda Bakının “Sülh Sammitində iştirakına, eləcə də Azərbaycanın Ukraynanın Sülh Formuluna fəal şəkildə qoşulacağına ümid etdiyini” bildirmişdi.