Yuxarı
    Bağlamaq

    BMT-nin baş katibi İstanbulda baş vermiş terror aktını pisləyib

    Türkiyə hökumətinə və xalqına başsağlığını ifadə edirik

    Bakı. 11 dekabr. REPORT.AZ/ BMT-nin baş katibi Pan Gi Mun Türkiyənin İstanbul şəhərində şənbə günü baş vermiş və onlarla insanın həlak olduğu terror aktını pisləyib.

    "Report" "TASS" agentliyinə istinadən xəbər verir ki, BMT rəhbəri yazılı bəyanatda terror qurbanlarının ailələrinə başsağlığı verib və hadisəyə görə məsuliyyət daşıyanların ədalətə cəlb ediləcəyinə ümidini ifadə edib.

    "BMT-nin baş katibi həlak olanların ailələrinə, Türkiyə hökumətinə və xalqına başsağlığını ifadə edir, həmçinin yaralananların qısa müddətdə sağalmalarını arzu edir. O ümid edir ki, terror aktının müqəssirləri tezliklə müəyyənləşdiriləcək və ədalətə cəlb ediləcək", - deyə rəsmi məlumatda qeyd edilir.

    Qeyd edək ki, ötən gün Türkiyənin İstanbul şəhərində baş vermiş partlayışlarda 29 nəfər ölüb. Hadisə zamanı həmçinin 166 nəfər xəsarət alıb. 

    Hadisəni törətməkdə şübhəli bilinən 10 nəfər saxlanılıb 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi