BMT: "İlin sonuna qədər 8 milyondan çox insan Ukraynanı tərk edə bilər"

Bu ilin sonuna qədər 8 milyondan çox insan müharibə səbəbindən Ukraynanı tərk edə bilər.

“Report” UNIAN-a istinadən xəbər verir ki, bu barədə məlumat BMT-nin Qaçqınlar üzrə Ali Komissarlığının (BMT QAK) son hesabatında qeyd edilib.

Hesabata görə, fevralın 24-dən müharibə səbəbindən Ukraynanı 5,2 milyondan çox insan tərk edib.

BMT QAK-nın sözçüsü Şabia Mantu Ukraynanı tərk edənlərə humanitar yardım məqsədilə xüsusi planın nəzərdə tutulduğunu söyləyib.