Yuxarı

BMT: İŞİD yaraqlıları İraqda təxminən 3,5 min adamı əsir saxlayır

Onların əksəriyyəti qadınlar və uşaqlardır

Bakı. 19 yanvar. REPORT.AZ/ İŞİD terror qruplaşmasının yaraqlıları İraqda təxminən 3,5 min adamı əsir saxlayır.

"Report" "RİA Novosti"yə istinadən xəbər verir ki, bu barədə BMT-nin İraqa yardım missiyası (UNAMI) və BMT-nin İnsan Hüquqları üzrə Ali Komissarının Ofisi (İHAKO) tərəfindən hazırlanmış birgə hesabatda məlumat verilir.

UNAMI və İHAKO ekspertlərinin dəyərləndirməsinə görə, hazırda təxminən 3,5 min adam İŞİD tərəfindən əsir kimi saxlanılır. "Onların əksəriyyəti qadınlar və uşaqlardır", - deyə məlumatda bildirilir.

BMT-nin məlumatına görə, 2014-cü ilin yanvar ayından 2015-ci ilin oktyabr ayına qədər olan müddətdə 18,8 mindən çox sadə vətəndaş İraqdakı münaqişənin qurbanı olub. 36,2 mindən çox adam isə müxtəlif dərəcəli xəsarətlər alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi