Bakı. 19 mart. REPORT.AZ/ İŞİD terrorçu qruplaşmasının cinayətkar əməllərinə Beynəlxaq Cinayət Məhkəməsində baxıla bilər.
"Report" "TASS"a istinadən xəbər verir ki, bunu BMT-nin İnsan Haqları üzrə ali komissarı Zeyd Raad əl -Hüseyn bildirib.
O, İraqdakı vəziyyətlə bağlı bu gün Cenevrədə yayılan hesabatda BMT-nin İnsan Haqları üzrə Şurasına İŞİD-in əməllərinin "soyqırım, inasanlığa qarşı cinayət və hərbi cinayət" kimi təsbit olunmasını tövsiyə edib.
Ali komissar bu məsələnin Beynəlxalq Cinayət Məhkəməsində baxılmasının mümkünlüyünü də vurğulayıb.
Əl-Hüseyn qeyd edib ki, günahkarlar öz qəddar əməllərinə görə beynəlxaq humanitar qanun qarşısında məsuliyyət daşımalıdırlar.
Ali komissar bunun üçün Şuranı "uyğun monitorinq və araşdırmanın aparılması ilə bağlı mexanizm yaratmağa" çağırıb.