Yuxarı

BMT: Dünyada narkomaniyadan əziyyət çəkənlərin sayı ilk dəfə 29 milyon nəfəri ötüb

12 milyon adam narkotiki venadaxili qəbul edir, onların 14%-i HİV-ə yoluxub

Bakı. 23 iyun. REPORT.AZ/ Narkotik maddələrdən istifadə ilə əlaqədar pozuntu və xəstəliklərdən əziyyət çəkən insanların sayı 29 milyon nəfəri ötüb.

"Report" TASS-a istinadən xəbər verir ki, bu barədə BMT-nin Narkotiklər və Cinayətkarlıq İdarəsinin bu gün nəşr edilən illik dünya hesabatında məlumat verilib.

Sənəddə qeyd olunub ki, dünyanın yetkin əhalisinin 5%-i - təqribən 250 milyon insan 2014-cü ildə azı bir dəfə qadağan edilmiş maddələrdən istifadə edib.

"Üstəlik, 12 milyon adam narkotiki venadaxili qəbul edir, onların 14%-i HİV-ə yoluxub", - ekspertlər bildirib.

Beynəlxalq ekspertlərin fikrincə, ən çox yayılmış yasaqlanmış maddə yenə də kannabisdir. 2014-cü ildə 250 milyon adamdan 183 milyonu azı bir dəfə ondan istifadə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi