Yuxarı

BMT ali komissarı Pakistan və İordaniyanı ölüm cəzasına moratoriumun ləğvi haqqında qərarı yenidən nəzərdən keçirməyə çağırıb

O vurğulayıb ki, heç bir məhkəmə sistemi səhvdən sığortalanmayıb

Bakı. 23 dekabr. REPORT.AZ/ BMT-nin insan hüquqları üzrə ali komissarı Zeyd Raad əl-Hüseyn Pakistan və İordaniyada ölüm cəzasına moratoriumun ləğv olunması ilə bağlı təəssüf etdiyini bildirib. Bu barədə "Report" BMT-nin informasiya mərkəzinə istinadən xəbər verir. 

O vurğulayıb ki, heç bir məhkəmə sistemi səhvdən sığortalanmayıb və hər iki ölkəni öz qərarlarını  yenidən nəzərdən keçirməyə çağırıb.

"Çox təəssüf ki, Pakistan və İordaniya ölüm cəzalarını bərpa ediblər və bununla da müvafiq olaraq 2008 və 2006-cı ildə daxil etdikləri moratoriumu ləğv ediblər", - BMT-nin baş hüquq müdafiəçisi xüsusi bəyanatında qeyd edib.  
Zeyd Raad əl-Hüseyn xatırladıb ki, təxminən 160 ölkə ölüm cəzalarını ləğv edib, və ya onun tətbiqindən imtina ediblər.  
BMT ali komissarı Pakistan və İordaniyanı ölüm cəzasına moratorium qoymağa çağırıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi