Bakı. 29 oktyabr. REPORT.AZ/ "Peşmərgə" kürd özünümüdafiə qüvvələrindən ibarət 150 nəfərlik qrup Suriyanın Kobani şəhərində "İslam Dövlət" yaraqlıları ilə mübarizəyə yollanmaq üçün Türkiyəyə gediblər.
"Report" ВВС-yə istinadən xəbər verir ki, qrupun bir hissəsi Türkiyəyə təyyarə ilə gedib. Silahları daşıyan digər qrup isə sərhədi quru yolu ilə keçiblər.
Qeyd edək ki, bir müddət əvvəl yerli kürdlərin Türkiyə hökumətinə qarşı bir sıra etiraz aksiyalarından sonra Türkiyə İraq kürdlərinə Kobanidə İŞİD yaraqlıları ilə mübarizə aparmaq məqsədilə Suriyaya keçmək üçün öz ərazisindən istifadə etməyə razılıq verib.