Bir milyona yaxın kataloniyalı referenduma dəstək mitinqi keçirib

Bakı. 12 sentyabr. REPORT.AZ/ Barselonada bir milyona yaxın insan Kataloniyanın öz müqəddəratını təyin etməsinə dair qarşıda gözlənilən referendumu dəstəkləəmək üçün küçələrə çıxıb.

"Report" xəbər verir ki, iştirakçılar tədbiri Kataloniyanın Milli günü sayılan Diadaya həsr ediblər və öz aksiyalarının şüarını "Referendum demokratiyadır" adlandırıblar.

"Bizim səs vermək hüququmuzu heç kim oğurlaya bilməz. Ona görə də biz oktyabrın 1-də öz müqəddəratımızı təyin etmək üçün referendum keçirəcəyik", - deyə "Omnium Cultural" ictimai təşkilatının sədri Jordi bildirib.