Beynəlxalq koalisiya Suriyaya hava zərbələri endirib, ölənlər var

Bakı. 24 noyabr. REPORT.AZ/ ABŞ-ın rəhbərlik etdiyi beynəlxalq koalisiya qüvvələri Suriyaya növbəti hava zərbələri endirib.

Bu barədə "Report" yerli SANA agentliyinə istinadən xəbər verir.

Məlumata görə, zərbələr Deyr ez-Zor vilayətinin cənub-şərqindəki Əl-Şaaf yaşayış məntəqəsinə endirilib. Nəticədə 11 dinc sakin həlak olub.

Agentlik bildirib ki, bombardmanların ardı-arası kəsilmir.