Yuxarı
    Bağlamaq

    Bəşşər Əsəd Aİ və NATO-nu Suriyada terrorçuları dəstəkləməkdə ittiham edib

    Belə rol oynamaq və eyni zamanda Suriyanı məhv etmək olmaz

    Bakı. 7 fevral. REPORT.AZ/ Avropa İttifaqı və NATO ölkələri terrorçuları dəstəkləyərək Suriyanın bərpa edilməsi prosesində iştirak edə bilməzlər.

    "Report" "RİA Novosti"yə istinadən xəbər verir ki, bu barədə Bəşşər Əsəd Belçika KİV-inə müsahibəsində Suriyanın bərpa edilməsi prosesində Aİ və NATO-nun rolu barədə sualı cavablandırarkən bildirib.

    "Belə rol oynamaq və eyni zamanda Suriyanı məhv etmək olmaz. Aİ lap əvvəldən müxtəlif bəhanələrlə Suriyadakı terrorçuları dəstəkləyir", - deyə B.Əsəd vurğulayıb.

    Onun sözlərinə görə, Aİ və NATO münaqişənin başladığı vaxtdan "Cəbhat ən-Nüsra" və İŞİD radikal qruplaşmalarını dəstəkləyib.

    "İlk növbədə onlar Suriyanın suverenliyi ilə bağlı aydın mövqe tutmalı, terrorçuları dəstəkləməyə son qoymalıdırlar. Bəlkə o zaman suriyalılar bu məsələdə bu ölkələrin iştirakını qəbul edə bilərlər", - deyə B.Əsəd əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi