Bakı. 23 dekabr. REPORT.AZ/ Milan polisi Berlində Milad yarmarkasında yük maşınını insanların üstünə sürməklə onlara hücum edən şəxsi güllələyərək öldürüb.
"Report" xəbər verir ki, bu barədə hüquq-mühafizə orqanlarındakı mənbəyə istinadən "Reuters" agentliyi məlumat verib.
"La Repubblica" nəşrinin yazdığına görə, atışma dekabrın 23-nə keçən gecə dəmir yolu stansiyasının yaxınlığında, 1 May meydanda baş verib.
Xatırladaq ki, dekabrın 19-da Berlində Milad yarmarkasında baş verən hücumda 12 nəfər həlak olub, təqribən 50 nəfər yaralanıb. Terror hücumunu törətməkdə Tunisdən olan qaçqın, İŞİD terror qruplaşmasıyla bağlılığı olan Anis Amri şübhəli bilinir.