Yuxarı

Berlində "Normand dördlüyü"nün görüşü başa çatıb

Dörd dövlətin lideri görüşdə Donbasdakı vəziyyəti müzakirə ediblər

Bakı. 20 oktyabr. REPORT.AZ/ Almaniyanın paytaxtı Berlində Rusiya prezidenti Vladimir Putinin, Ukrayna prezidenti Pyotr Poroşenkonun, Almaniya kansleri Angela Merkelin və Fransa prezidenti Fransua Ollandın iştirakı ilə keçirilən "Normand dördlüyü"nün görüşü başa çatıb.

"Report" "RİA Novosti"yə istinadən xəbər verir ki, dörd dövlətin lideri 5 saata yaxın davam edən görüşdə Donbasdakı vəziyyəti müzakirə ediblər.

Rusiya prezidenti Vladimir Putinin fransalı həmkarı Fransua Olland, habelə Almaniya kansleri Angela Merkellə Suriya problemini müzakirə edəcəkləri gözlənilir. 

Almaniya hökumətinin rəsmi nümayəndəsi Şteffen Zaybert bildirib ki, alman hökumətinin Ukrayna və Suriya problemlərinin nizama salınması məsələlərinə birtərəfli yanaşmasına baxmayaraq, Rusiya hər iki məsələdə danışıqlar üzrə zəruri  müttəfiq olaraq qalır.

Fransa və Almaniyanın liderlərinin görüşün nəticəsinə görə mətbuat konfransı və Rusiya prezidentinin brifinq keçirəcəyi gözlənilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi