Yuxarı

​Belçika parlamentinin türk əsilli deputatı partiyadan çıxarılıb

Mahinur Özdəmir 1915-ci ildə Osmanlı dövlətindəki hadisəni soyqırım adlandırmaqdan imtina edib

Bakı. 16 dekabr. REPORT.AZ/ Belçika parlamentinin türk əsilli deputatı Mahinur Özdemir Demokratik Humanist Mərkəz Partiyası (DHMP) üzvülüyündən çıxarılıb.

"Report" xəbər verir ki, bu haqda İstanbulda çıxan erməni dilli qəzet məlumat yayıb.

Məlumata görə, 1915-ci ildə Osmanlı dövlətindəki hadisəni "soyqırım" adlandırmaqdan imtina etdiyi üçün partiyanın Etika Komissiyası Mahinur Özdəmirin təşkilatdan çıxarılması haqda qərar qəbul edib.

Qeyd edək ki, bu ilin yazında onun partiya sıralarından çıxarılması haqda qərar qəbul edilmişdi. Ancaq sonradan məsələyə DHMP-nin etkia komitəsi də baxıb.

Mahinur Özdəmir bildirib ki, söz və fikir azadlığı var və bu hüquqdan istifadə edib: "Mən də bu hüquqlarımdan istifadə edərək, 1915-ci il hadisələrinin "soyırımla" heç bir əlaqəsinin olmadığını demişəm".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi