Yuxarı
    Bağlamaq

    Belarus beynəlxalq ictimaiyyəti "yeni dünya nizamı" yaratmağa çağırıb

    Yeni sistem dövlətə əsaslanmalı və hər şeyi özündə birləşdirməlidir

    Bakı. 27 sentyabr. REPORT.AZ/ Belarus beynəlxalq ictimaiyyəti "yeni dünya nizamı" yaratmağa çağırıb.

    "Report" xəbər verir ki, bunu sözügedən ölkənin xarici işlər nazirinin müavini Valentin Rıbakov bildirib.

    Onun sözlərinə görə, yeni sistem dövlətə əsaslanmalı, hər şeyi özündə birləşdirməli və ayrı-ayrı ölkələrlə bağlı olmamalıdır.

    Rıbakov qeyd edib ki, ümumilikdə dünya iqtisadiyyatında "müsbət tendensiya" nəzərə çarpıb. Bu, onun sözlərinə görə, dövlət və bazar arasında qüvvələr balansının bərpa olunmasından qaynaqlanır.

    "Belarus həmişə və hər şeydən əvvəl iqtisadiyyatda güclü dövlət ideyasına sadiqdir. Biz bu siyasəti gələcəkdə də həyata keçirəcəyik. Belarus xalqının cari ilin yayında 5-ci Ümumbelarus Xalq Məclisində dəqiq ifadə etdiyi iradəsi belədir", - deyə o bildirib.

    Rıbakov qeyd edib ki, əgər BMT dövlətləri stabil inkişaf məqsədlərinin reallaşdırılmasına ciddi kökləniblərsə, o zaman onlar dünyada stabilliyi bərpa etməli və artmaqda olan xaosun qarşısını almalıdırlar.

    Belarus nümayəndəsinin fikrincə, bu vəzifənin həlli mümkündür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi