Yuxarı
    Bağlamaq

    Bəhreyndə 14 nəfərlik terrorçu qruplaşma zərərsizləşdirilib

    Onlar fevralın sonlarında avtobusun partladılmasında şübhəli bilinirlər© Courtesy İmage

    Bakı. 27 mart. REPORT.AZ/ Bəhreynin hakimiyyət orqanları ölkənin yüksək vəzifəli şəxslərinə hücum planlaşdırmış 14 nəfərlik terror özəyini müəyyənləşdirdiyini açıqlayıb.

    "Report"un məlumatına görə, bu barədə "Reuters" xəbər verib.

    Xəbərdə bildirilir ki, terror özəyinin üzvləri fevralın sonlarında polisləri daşıyan avtobusun partladılmasında şübhəli bilinirlər. Xatırladaq ki, həmin hadisə vaxtı hüquq-mühafizə orqanlarının 5 əməkdaşı xəsarət alıb.

    Bəhreynin "BNA" agentliyi ölkənin Daxili İşlər Nazirliyinə istinadən xəbər verib ki, qruplaşma üzvləri İrana köçmüş iki Bəhreyn vətəndaşının nəzarəti altında olub. Onlardan biri ABŞ tərəfindən beynəlxalq terrorçu elan edilib.

    Agentliyin məlumatına görə, saxlanılmış qruplaşma üzvlərindən 6-ı İranın İslam İnqilabı Keşikçiləri Korpusunun elitar bölmələrinin nəzarəti altında hərbi düşərgələrdə hazırlıq keçib. Daha beş nəfər "Hizbullah" hərəkatının özəkləri tərəfindən İraqda, digər üzvlər isə Bəhreyndə təlim keçiblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi