Bakı. 31 iyul. REPORT.AZ/ Birləşmiş Ərəb Əmirliklərində bir neçə nəfərin ölümü, onlarla insanın xəsarət alması ilə nəticələnən yol qəzası baş verib.
"Report" xəbər verir ki, bu barədə "National" məlumat yayıb.
Xəbərdə bildirilir ki, paytaxt Əbu-Dabidə fəhlələri daşıyan avtobus minik avtomobilinə, həmin nəqliyyat vasisəti isə öz növbəsində mikroavtobusa çırpılıb. Nəticədə avtobus metal maneələrə çırpılıb.
Qəza zamanı 3 nəfər ölüb, 44 nəfər xəsarət alıb.
Polisin ehtimalına görə, hadisənin baş verməsində təqsirkar nəqliyyat vasitəsinin sürətini artıran və məsafə saxlamayan, habelə mobil telefondan istifadə etdiyi güman olunan avtobus sürücüsüdür.