ABŞ Prezidenti Cozef Bayden gələn ay Asiya ölkələrinə səfər edəcək.
Bu barədə “Report” ABŞ mətbuatına istinadən xəbər verir.
Məlumata görə, səfərlər mayın 20-dən 24-dək davam edəcək. Ağ Ev rəhbəri əvvəlcə Cənubi Koreyaya gedəcək. Bayden daha sonra Yaponyaya yola düşəcək.
"Prezident hökumətlərimiz, iqtisadiyyatlarımız və xalqlarımız arasında əlaqələri daha da dərinləşdirmək üçün mayın 20-dən 24-dək (Cənubi-red) Koreya Respublikasına və Yaponiyaya səfər edəcək", - Ağ Evin mətbuat katibi Cen Psaki bildirib. Səfər çərçivəsində Bayden adıçəkilən ölkələrin liderləri ilə görüşəcək.
“(Onlar-red) həyati əhəmiyyət kəsb edən təhlükəsizlik əlaqələrimizi dərinləşdirmək, iqtisadi əlaqələri gücləndirmək və praktiki nəticələrə nail olmaq üçün sıx əməkdaşlığımızı genişləndirmək imkanlarını müzakirə edəcəklər”, - o vurğulayıb.
Bundan əlavə, Psaki qeyd edib ki, Tokioda Yaponiya, Avstraliya, Hindistan və ABŞ-ın daxil olduğu Dördtərəfli Təhlükəsizlik Dialoqu ölkələrinin dövlət başçılarının görüşü planlaşdırılır.