Yuxarı

​Bayden gələn il baş tutacaq ABŞ prezidenti seçkilərindəki iştirakına şübhə ilə yanaşır

72 yaşlı siyasətçi hazırda üçüncü dəfə prezident seçkilərində iştirak edib etməyəcəyini düşünür

Bakı. 4 sentyabr. REPORT.AZ/ ABŞ-ın vitse-prezidenti Co Bayden, gələn il keçiriləcək prezident seçkilərində iştirak etmək üçün onun kifayət qədər emosional enerjisinin olduğuna əmin deyil.

"Report" BBC-yə istinadən xəbər verir ki, bu barədə Bayden Atlantada beynəlxalq siyasətlə bağlı çıxış edərkən bildirib.

72 yaşlı siyasətçi hazırda üçüncü dəfə prezident seçkilərində iştirak edib etməyəcəyini düşünür.

Vitse-prezidentin sözlərinə görə, əgər o, bütün ürəyini və qəlbini prezident seçkilərinə həsr edə bilməyəcəksə, namizədliyini irəli sürmək yersiz olardı.

Hillari Klintonun seçkiqabağı kampaniyası şəxsi e-poçtunun istifadəsi ilə bağlı qalmaqala görə təhlükə altında olduğundan, hazırki vitse-prezidentin seçkilərdə iştirak etməsi çağırışları tez-tez səslənir.

H.Klinton ABŞ-ın dövlət katibi vəzifəsində çalışarkən rəsmi yazışma üçün öz şəxsi serverindən istifadə etdiyi məlum olduqdan sonra, Respublikaçılar Partiyası tərəfindən şiddətli tənqidlərə məruz qalıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi