Yuxarı
    Bağlamaq

    NATO müdafiə nazirləri Şərqi Avropada hərbi texnika yerləşdirilməsini müzakirə edəcəklər

    Söhbət beş NATO ölkəsində hərbi texnika və avadanlığın yerləşdirilməsindən gedir

    Bakı. 18 iyun. REPORT.AZ/ NATO müdafiə nazirləri gələn həftə Brüsseldə Şərqi Avropada hərbi texnika və avadanlıqların yerləşdirilməsi məsələsini müzakirə edəcəklər.

    "Report"un TASS-a istinadən verdiyi xəbərə görə, bu barədə NATO-nun baş katibi Yens Stoltenberq Polşa baş nazirinin müavini, bu ölkənin müdafiə naziri Tomaş Semonyakla birgə Sventoşovada baş tutan Noble Jump ("Nəcib sıçrayış") adlı hərbi təlimlərdən sonra keçirdiyi mətbuat konfransında verdiyi açıqlamasında deyib.

    "Hərbi texnika uyğun məkanlarda yerləşdirilməlidir", - Stoltenberq bildirib. 

    "Biz bu məsələni gələn həftə müzakirə edəcəyik. Ümid edirəm ki, Şərqi Avropada bu qüvvələrin yerləşdirilməsi ilə bağlı qərar qəbul olunacaq", - NATO baş katibi qeyd edib.

    Semonyakın sözlərinə görə, söhbət bir briqada üçün beş NATO ölkəsində hərbi texnika və avadanlığın yerləşdirilməsindən gedir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi