Yuxarı
    Bağlamaq

    Barak Obama Şimali Koreyaya qarşı yeni sanksiya paketini imzalayıb

    Şimali Koreyaya qarşı növbəti sanksiyalar tətbiq olunub

    Bakı. 2 yanvar. REPORT.AZ/ ABŞ prezidenti Barak Obama Şimali Koreyaya qarşı yeni sanksiya paketi imzalayıb.

    "Report"-un xəbərinə görə, 3 şirkət ve 10 koreyalı məmurun daxil edildiyi yeni sanksiya paketi Sony Pictures şirkətinin serverlərinin dağıdılmasına cavab olaraq hazırlanıb.

    ABŞ rəsmiləri, Şimali Koreyanın kiberhücum ilə əlaqəsi olduğunu müəyyən etmişdi.

    Sony Pictures Entertainment şirkətinin saytına haker hücumu noyabrın 24-də həyata keçirilib. Nəticədə 47 min işçinin şəxsi məlumatları silinmişdi.

    Premyerası dekabrın 25-nə baş tutan “Müsahibə” filmi Şimali Koreyanın sərt reaksiyasına səbəb olmuşdu. Bunu “ölkənin ali rəhbərliyinə təhqir” və “hərbi aksiya” adlandıran Pxenyan ABŞ hökumətinin filmin işıq üzü görməsinə kömək etməyəcəyi təqdirdə “qətiyyətli cavab tədbirləri”nin görüləcəyini bildirmişdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi