Yuxarı
    Bağlamaq

    Barak Obama: "2016-cı il prezident seçkilərini qazana bilərdim"

    Yenidən namizəd ola bilsəydim, əminəm ki, amerikalıların əksəriyyətini səfərbər edə bilərdim

    Bakı. 26 dekabr. REPORT.AZ/ ABŞ Prezidenti Barak Obama 2016-cı ildə ölkədə keçirilmiş prezident seçkilərinə qatılmaq hüququ olacağı təqdirdə qələbə qazanacağına əminliyini ifadə edib.

    "Report" xəbər verir ki, o, bu barədə CNN-ə müsahibəsində bildirib.

    "Yenidən namizəd ola bilsəydim, əminəm ki, amerikalıların əksəriyyətini səfərbər edə bilərdim. Bütün ölkə üzrə insanlarla, hətta mənimlə razı olmayanlarla ünsiyyət qurmaqla onları irəlilədiyimiz istiqmətdə gəlməyə inandırardım" - B.Obama vurğulayıb.

    B.Obama seçkiqabağı kampaniya zamanı Demokratlar Partiyasının əhalinin bəzi təbəqələrini görməzdən gəldiyini, nəticədə də Donald Trampın qələbə qazandığını bildirib.

    "Bir çox insan seçkilərin nəticələrinin və D.Trampın qələbəsinin sadəcə, fantastika olduğunu düşünür" - ABŞ prezidenti diqqətə çatdırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi